The Social Network

I watched The Social Network last night with some friends.

Totoo kayang naging blogger din si Mark Zuckerberg, the creator of Facebook, during his student days and has a LiveJournal account? Nakakatuwang isipin na isa din siyang blogger, and somehow felt proud to be one as well. (Feeling! LOL!)

One of the most memorable lines from the movie was: “It's exhausting! Dating you is like dating a Stair Master!”

Wala lang, it just reminded me of someone…

The GAYLANGS

Bago ko ituloy ang pagkukuwento tungkol sa nakaraang bakasyon ko sa Manila, meron lang muna akong gustong i-share sa inyo na katawa-tawang pangyayari kagabi.

Napagkasunduan namin ng dalawa kong kabarkada na magkita-kits sa isang sikat na mall dito sa Singapore. Wala lang, tamang hang-out lang kasi weekend naman. Pasok dito, pasok doon. Tingin dito, tingin doon. Boso dito, boso doon. Hanggang sa maligaw kami sa isang clothing store na kung tawagin ay River Island. Kasama din pala namin 'yung Singaporean GF ng isa kong kabarkada.

Hindi ko alam kung anong pumasok sa kokote namin at napagdiskitahan naming i-try suutin ang mga damit at accessories doon sa store. Merong belts, scarves, sunglasses, loafers, hats, at kung anu-ano pa. Hagalpak kami sa tawa ng makita namin ang mga sarili namin na suot ang mga 'yun. Bekimon na bekimon kasi ang dating. LOL!

Without further ado, presenting... The GAYLANGS!*

Sinong pinakamaganda sa aming tatlo? LOL!

(*Ang GEYLANG ay ang red-light district dito sa Singapore.)

OPERATION: Bloggers' Meet-up

OBJECTIVE: Ma-meet sa personal ang mga paborito kong bloggers habang nasa Pilipinas ako ng apat na araw.

PLAN: Mag-organize ng isang “Bloggers’ Meet-up”. Puwede itong dinner o kaya inuman. Dahil ako ang nagpasimuno nito, naisip ko na dapat sagot ko ang gastos.

CRITERIA: Dahil limited din ang budget, naisip kong mag-set ng criteria. Sa dinami-dami ng kakilala kong bloggers, baka mamulubi ako bigla. Kaya pumili ako ng mga blogs base sa mga panuntunan na ito:

1. 'Readable'
2. Tackles topics that capture my interest (or)
3. Makes me laugh (or)
4. Has at least one REALLY memorable post
5. Active (non-hiatus)

WHAT HAPPENED: I was actually planning to meet up with around ten (10) bloggers. Pero dahil hindi puwede sina Aajao, Kuri, at Chingoy kapag weekends due to their ‘daddy duties’, I decided to meet-up with these guys separately. I was planning on having dinner with them last Friday night, kaso nabalitaan kong na-ospital ang munting prinsesa ni Aajao kaya nagbago bigla ang plano.

Ang bagong venue ng First Bloggers’ Meet-up: MEDICAL CITY!

I’ve been reading their blogs for quite sometime now. What I like about them is their maturity, and how insightful their blogs are. Marami akong natututunan sa kanilang mga experiences, like about setting the right priorities and taking responsibilities. Hindi naman sa balak ko na ding mag-settle down, pero iba na kasi ang nagiging trend sa blogging ngayon. Talo pa nito ang showbizness sa dami ng awayan at intrigahan. What these ‘Daddy Bloggers’ blog about is something encouraging and also refreshing to the mind and soul.

Memorable ang naging meet-up kasi: (a) kakaiba ang naging venue; (b) nilakad namin nina Kuri at Chingoy mula Robinson’s Galleria hanggang Medical City dahil walang taxi; (c) masaya at makabuluhan ang naging kuwentuhan; (d) kuwela ang naging picture-taking namin sa lobby ng ospital.

It was such a fun meet-up. Parang antagal ko na silang kakilala at kaibigan kahit first time ko pa lang na-meet sina Kuri at Chingoy. I'm looking forward to meet them again in the future.

Wawa naman si Boneneng.

Sino pinaka-pogi sa aming apat? (Blog ko to! LOL)

Na-extra si Manong Utility.

Going Back

I'm flying back to Singapore tomorrow morning.

Yes, I'm currently in Manila. Hindi ko inannounce sa lahat ang pag-uwi ko. Pakiramdam ko nga marami ang magtatampo.

Pasensiya na. My itinerary had already been planned, and I'm only here for four days. Hindi enough ang time para makipagkita sa lahat ng kakilala ko.

Sa lahat ng kamag-anak, kaibigan at ka-blogs na nakita at nakainuman ko, planado man o hindi, salamat sa inyo. You made this one of my best holidays so far. Mabigat nga sa dibdib ang isiping muli kong iiwan ang Pilipinas.

Sana lang ay hindi ako bagyuhin bukas ng umaga. Gusto ko pang mabuhay ng matagal. :(

Paglisan

It was a week of goodbyes.

First, I just found out last weekend that a good friend of mine recently passed away due to stroke. Empleyado namin siya dati sa gasolinahan. Siya ang tumayong supervisor ng mga sanitary engineers na nagpapanatiling maganda, malinis at maayos ng kapaligiran sa buong istasyon.

Our relationship has gone more than just an employer-employee relationship. Hindi ko lang siya naging kanang kamay, we also became really good friends. Para ngang naging tatay-tatayan ko na din siya. Siya ang lagi kong nakaka-kuwentuhan sa mga panahong malungkot o nakakaantok magtrabaho sa gasolinahan. Nahihingahan ko din siya ng mga problema ko sa trabaho o sa kung ano man.

Nakakalungkot lang isipin na wala na siya dahil kakapanaw lang din ng asawa niya 2 years ago, at meron silang kaisa-isang anak na sobrang bata pa. Paano na ang paglaki nito? Sino na ang mag-aaruga sa bata? At alam ko ding maraming tao ang makaka-miss sa kanya dahil isa siyang napakabuting kaibigan.

Hindi mo din talaga masasabi kung anong magiging kapalaran ng isang tao. Life is really too short. That's why we have to make the most out of it.

Sayang, hindi ko man lang siya nakita nung huli akong umuwi sa Pilipinas. Ipagdadasal ko na lang siya at ang kanyang naiwang pamilya.

**********

Umalis na si Lyzius sa Singapore. Pupunta na siya ng Macau para muling makipagsapalaran.

Sino nga ba si Lyzius? Isa siyang kaibigan na nakilala ko mula sa mundo ng blogging. Isa rin siyang OFW na nagtrabaho sa Dubai noon, at nagkakilala kami sa isang pagtitipon ng mga Greenies nung nasa Pilipinas pa ako. Nalaman ko na magtratrabaho siya sa Singapore kaya naman nakipag-ugnayan kaagad ako sa kanya.

Naging matalik kaming magkaibigan ni Lyzius. Dumating pa sa punto na nagsama kami sa isang bahay ng halos dalawang taon. (Wala pong malisya, hindi po namin type ang isa't-isa. Magkahiwalay kami ng kuwarto. LOL!) Marami din kaming mga naging magagandang alaala bilang magkakaibigan kasama ang iba pa naming housemates, pero siyempre hindi din naman nawala ang mga pagsubok sa aming mga buhay. Mabuti na lang at naging matatag ang aming pagsasamahan.

Ngayong makikipagsapalaran siyang muli sa isang banyagang bansa, wala akong ibang hangad kundi ang maging masaya siya at matagumpay sa kanyang karera. Alam kong matagal na niyang minimithi ang paglipat na ito dahil kating-kati na siyang lisanin ang Singapore kaya naman masaya din ako para sa kanya.

Kaya naman Lyzius, magbalik-blogging ka na! At ipinakikilala ko nga pala sa 'yo si Roanne. Hanapin mo siya sa Macau. Hehe. :)

**********

May isa pang magaganap na paglisan, pero mabilis at panandalian lamang. Kita-kita na lang sa mata.