Samu't-Saring Updates

• Sobrang busy ko ngayon. Kahit sa pagba-blog eh nawalan na ko ng oras. More than a month na pala akong hindi nag-uupdate. Ang totoo niyan, marami akong kuwento. Wala lang talaga akong oras magsulat. Tara, mag-kape na lang tayo at sa personal na lang tayo magkuwentuhan.

• Lumipat na pala ako ng trabaho. Isa ito sa mga rason kung bakit hindi ako nakakapag-blog. Nagkaroon kami ng konting alitan ng boss ko sa dati kong kumpanya. Hindi ito naging madali para sa akin kasi 'mentor-protege' ang turingan namin sa isa't-isa. Naayos naman namin ang sitwasyon pero nag-decide pa din akong umalis. Nagkikita pa din naman kami every week dahil pinupuntahan ko siya tuwing Sabado sa opisina.

• Nag-birthday ako last month. Hindi na ako nagbalak na mag-celebrate dahil pagkatapos kong magka-problema sa trabaho, akala ko uuwi na ako ng Pilipinas kaya naisip ko na kailangan kong magtipid. Nagpunta na lang ako sa Sentosa at nag-solo flight. Dinala ko ang aking banig, inilatag sa tabi ng dalampasigan at nagbasa ng libro. Pero nakakatuwa dahil meron akong mga ilang kaibigan na talagang nag-exert ng effort para puntahan ako sa Sentosa at dalhan ako ng birthday cake. Salamat sa inyo dahil ako'y naligayahan ng lubos. Salamat din sa mga tumawag at nag-greet thru SMS, WhatsApp, iMessage, Viber, Facebook, at Twitter.

• Tulad ng aking nabanggit, akala ko katapusan na ng pamamalagi ko dito sa Singapore. Handa na naman akong umuwi kahit wala akong masyadong naipon. Alam ko kasing hindi naman ako papabayaan ng Diyos. Pero ayun, kahit sinasabi ng iba na mahirap makahanap ng trabaho ngayon, mabait pa din Siya. He gave me a new job, and a better one at that! Tila sinasabi Niya sa 'kin na, "Meron ka pang unfinished business diyan. Hindi ka pa puwedeng umalis." It really pays to put your complete trust in Him. :)

• Lovelife? Ano 'yun? Haha madaming naiintriga sa aking previous post at kahit sa personal ay lagi akong kinukulit. Dadating din naman 'yun, 'wag masyadong atat. Ang totoo niyan, may mga bagay na mas importante kesa sa lovelife, kaya 'wag ma-pressure at 'wag mam-pressure ng iba. LOL

• Marami pa akong kuwento. Try ko ulit mag-update this week. :)